Аб’яднаны пераходны кабінет Беларусі

Аб’яднаны пераходны кабінет Беларусі
Аб’яднаны пераходны кабінет Беларусі
	; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
Агульная інфармацыя
Краіна	Літва;
Юрысдыкцыя	Беларусь
Дата стварэння	9 жніўня 2022
Штаб-кватэра	Вільня;
Сайт	t.me/CabinetBelar… (бел.)

Аб’яднаны пераходны кабінет Беларусі — калектыўны выканаўчы орган дэмакратычных сіл Беларусі, створаны 9 жніўня 2022 года Святланай Ціханоўскай. У кабінет, які займаецца дзейнасцю ў эміграцыі з цэнтральным офісам у Вільнюсе (Літва), уваходзяць прадстаўнікі дэмакратычнага руху, бізнесу і сілавога блоку Беларусі, якія прызнаюць Ціханоўскую за нацыянальную лідарку краіны.

Перадумовы

9 жніўня 2020 года ў Беларусі прайшлі прэзідэнцкія выбары, вынікі якіх не былі прызнаныя вялікай часткай насельніцтва, у выніку чаго распачаліся самыя масавыя пратэсты ў гісторыі краіны. Пратэстоўцы, а таксама ўсе краіны ЕС і ЗША прызналі Святлану Ціханоўскую пераможцай выбараў і нацыянальнай лідаркай. У эміграцыі вакол Офіса Святланы Ціханоўскай былі створаныя шматлікія дэмакратычныя структуры, якія, аднак, не мелі агульнага каардынацыйнага органа. Тым часам у Беларусі ўвесну 2021 года масавыя акцыі пратэсту былі задушаныя шырокамаштабнымі рэпрэсіямі рэжыму Лукашэнкі пры падтрымцы Расіі.

24 лютага 2022 года Расія пачала ўварванне на тэрыторыю Украіны, у тым ліку з тэрыторыі Беларусі. У той жа дзень Святлана Ціханоўская абвясціла пра намер стварэння пераходнага кабінета ў якасці нацыянальнага органа Беларусі. Свой намер яна патлумачыла тым, што Аляксандра Лукашэнку больш нельга лічыць гарантам незалежнасці і тэрытарыяльнай цэльнасці Беларусі^[1].

Дзейнасць

Аб’яднаны пераходны кабінет Беларусі быў створаны 9 жніўня 2022 года на канферэнцыі «Новая Беларусь», якая праходзіла ў Вільнюсе на другую гадавіну пачатку масавых пратэстаў пасля прэзідэнцкіх выбараў. Адразу па абвяшчэнні пра стварэнне кабінета Святлана Ціханоўская прызначыла прадстаўнікоў кабінета. Імі сталі Павел Латушка, Аляксандр Азараў, Валерый Кавалеўскі і Валерый Сахашчык. Было заяўлена, што кабінет яшчэ будзе пашырацца і ўключыць у сябе прадстаўніцтвы па сацыяльнай палітыцы, эканоміцы і фінансах і нацыянальным адраджэнні. 7 верасня 2022 года ад імя кабінета была выдадзена першая пастанова, у ёй прыярытэтнай задачай арганізацыі аб’явілі аднаўленне і абарону суверэнітэту краіны. 9 верасня 2022 года прэс-служба арганізацыі паведаміла пра новага прадстаўніка кабінета па пытаннях фінансаў і эканомікі, ім стала прадпрымальніца і заснавальніца кампаніі «Laava Tech» Таццяна Зарэцкая (англ.) (бел.. 16 верасня стала вядома, што прадстаўніком па пытанні нацыянальнага адраджэння прызначаная гісторык і экс-тэлевядучая тэлеканала «Белсат» Аліна Коўшык.

11 лютага 2023 года Аб’яднаны пераходны кабінет Беларусі зацвердзіў узнагароду Медаль «Гонар і Годнасць» за выключную адданасць у служэнні Беларусі^[2].

6 жніўня 2023 года ў адказ на запыт беларусаў-эмігрантаў, якія сутыкнуліся з праблемай заканчэння тэрміну дзеяння пашпартаў, кабінет прэзентаваў праект праязнога дакумента, які будуць выдаваць без удзелу афіцыйных органаў Беларусі. У АПК падкрэслілі, што альтэрнатыўны беларускі пашпарт — не замена для нацыянальнай візы, аднак працэс легалізацыі ў дзяржавах, якія прызналі дакумент, перастане быць праблемай у выпадках непрыдатнасці або страты ранейшага дакумента^[3].

Прадстаўнікі

Транзіт улады — Павел Латушка (з 9 жніўня 2022)
Аднаўленне правапарадку — Аляксандр Азараў (9 жніўня 2022 — 6 жніўня 2023)
Замежныя справы — Валерый Кавалеўскі (з 9 жніўня 2022)
Абарона і нацыянальная бяспека — Валерый Сахашчык (з 9 жніўня 2022)
Фінансы і эканоміка — Таццяна Зарэцкая (англ.) (бел. (9 верасня 2022 — 2 лістапада 2022)
Нацыянальнае адраджэнне — Аліна Коўшык (з 16 верасня 2022)

Публічныя супрацоўнікі

Прадстаўніцтва па нацыянальным адраджэнні:^[4]

Павел Баркоўскі — намеснік прадстаўніцы па нацыянальным адраджэнні
Яўген Андрэйчык — дарадца па інфармацыйнай палітыцы

Рэакцыя рэжыму Лукашэнкі

30 жніўня 2022 года КДБ Рэспублікі Беларусь прызнаў Аб’яднаны пераходны кабінет экстрэмісцкім фарміраваннем. 5 верасня орган быў унесены ў адпаведны спіс^[5].

У канцы 2022 года Telegram-канал кабінета прызналі экстрэмісцкім матэрыялам у Беларусі^[6].

Крыніцы

↑ Уварванне Расіі ва Украіну: паветраная трывога, ракеты з РБ і Ціханоўская-лідар (руск.)(недаступная спасылка). euroradio.fm (24 лютага 2022). Архівавана з першакрыніцы 23 верасня 2022.
↑ Серабрыстая «Пагоня» ў лаўровым вянку: Кабінет зацвердзіў узнагароду за выключную адданасць у служэнні Беларусі (бел.). Наша Ніва. Праверана 9 жніўня 2023.
↑ Падчас канферэнцыі «Новая Беларусь» прэзентавалі альтэрнатыўны беларускі пашпарт (нявызн.). belsat.eu. Праверана 9 жніўня 2023.
↑ Каманда Нацыянальнага Адраджэння (бел.). revivalbelarus.org. Праверана 18 кастрычніка 2024.
↑ В Беларуси признали "экстремистским формированием" созданный Светланой Тихановской Объединенный переходный кабинет (руск.). Настоящее Время (8 верасня 2022). Праверана 11 верасня 2022.
↑ Республиканский список экстремистских материалов (руск.) (нявызн.) ?. www.sb.by (1 жніўня 2023). Праверана 9 жніўня 2023.

Спасылкі

Нацыянальны пашпарт Беларусі (нявызн.). belarus-passport.com.
Прадстаўніцтва па нацыянальным адраджэннi

[1] Уварванне Расіі ва Украіну: паветраная трывога, ракеты з РБ і Ціханоўская-лідар (руск.)(недаступная спасылка). euroradio.fm (24 лютага 2022). Архівавана з першакрыніцы 23 верасня 2022.

[2] Серабрыстая «Пагоня» ў лаўровым вянку: Кабінет зацвердзіў узнагароду за выключную адданасць у служэнні Беларусі (бел.). Наша Ніва. Праверана 9 жніўня 2023.

[3] Падчас канферэнцыі «Новая Беларусь» прэзентавалі альтэрнатыўны беларускі пашпарт (нявызн.). belsat.eu. Праверана 9 жніўня 2023.

[4] Каманда Нацыянальнага Адраджэння (бел.). revivalbelarus.org. Праверана 18 кастрычніка 2024.

[5] В Беларуси признали "экстремистским формированием" созданный Светланой Тихановской Объединенный переходный кабинет (руск.). Настоящее Время (8 верасня 2022). Праверана 11 верасня 2022.

[6] Республиканский список экстремистских материалов (руск.) (нявызн.) ?. www.sb.by (1 жніўня 2023). Праверана 9 жніўня 2023.

[1]

[2]

[3]

[4]

[5]

[6]

У сацыяльных сетках	Telegram · X
Фота, відэа і аўдыё	Flickr · YouTube